Facebook oo sheegtay in la jabsaday akoonnada 50 milyan oo macmiil

-
Shirkadda Facebook ayaa sheegtay in ay baarayso sida ay suuragal ku noqotay in la jabsado akoonnada 50 milyan oo kamid ah macaamiisheeda, islamarkaana ay halis galaan 40 milyan oo kale.
Koox aan la shaacin haybtooda iyo halka ay dunida kaga sugan yihiin, ayaa usoo dhacay akoonnada iyaga oo ka faa’iideysanaya dulduleello ka jira dhanka adeegga View Us “si kale isku arag”, kaas oo macaamiisha u fududeeya inay bartooda Facebook u daalacdaan si lamid ah qaabka ay ugu soo muuqanayso dadka kale ee soo booqda.
Mushkiladdan oo la ogaaday Talaadadii lasoo dhaafay ayaa iminka lagu guulaystay in la xalliyo, sida uu sheegay Guy Rosen oo kamid ah madaxda sare ee Shirkadda Facebook.
Facebook ma shaacin halka ay dunida ka joogaan macaamiisha ay arrintani saameysay, sidoo kale shirkaddu ma sheegin halka laga soo abaabulay duulaanka.
Ma ahan markii ugu horreysey ee weerar lagu soo qaado Facebook oo iyadu ah tan ugu weyn shabakadaha bulshadu ku xiriirto, islamarkaana ay si joogto ah u adeegsadaan dad tiradoodu kor u dhaafayso labo milyan oo qof oo ku kala sugan daafaha dunida.

Comments

Post a Comment

Popular posts from this blog

Qabweyniga Soomaalida, Qaranbaa ku dumay

-
Image
Qabweyniga Soomaalida, Qaranbaa ku dumay. Waxaa la i baray abtirsiimaha qabiilka aan ka soo jeedo, waxaa la ii sheegay inaan ka dhashay qabiilka ugu fiican Soomaalida, waxaan maqli jiray hebel ama adeerkaa wuxuu ahaa geesi aan cadkiisa la cunin iyo wuxuu ahaa geel qaad ama laayaan, waxaa la i dhihi jiray iska celi oo kala hormar, ha ka Soo ooyin facaa iyo Erayo caraadin dagaal, ninka wadaadka ah ama culumada ah amaba nabada jecel wuxuu bulshada ka ahaa nin miskiin ah oon cadkiisa goosan karin. Dadka aan amaantooda maqli jiray waxey ahaayeen dadka hadalka kulul oo aan warkoodu xeerba laheyn ama dadka ay murmaan dharbaaxada ugu shuba, dadka xishooda ama sabra waxey ku sifeysnaayeen wax ma tarayaal ama fulayaal. Qabiil walba oo Soomaali ah sidaa uun bey aaminsanaayeen, marka qof walba waxaa ku jirta ismuuji oo geel soo dhac ama wax soo dil si gabdhuhu ama tolku kuugu sheekeystaan. Dhaqankii noocaa ahaa weli isma bedelin ee sidii isaga oo ah ayaan magaalada lasoo galnay...
Read more

Gorfeynta buugga Maxay Qaramadu u Dumaan?

-
Image
 “Why Nations Fail: The Origins of Power, Prosperity, and Poverty” Maxay Qaramadu u Dumaan? Asalka Xukunka, Barwaaqa sooranka iyo Saboolnimada Dhiganaha “Maxay Qaramadu u dumaan” waxaa qoray laba aqoonyahan oo aad ugu xeeldheer culuumta dhaqaalaha iyo siyaasadda. Daren Acameglu waa qoraaga koowaad ee buugga wax uu hesytaa dhalasho dalka Mareykanka asal ahaanse waxa uu ka soo jeedaa Turkiga, wax uu bare sare ka yahay jaamacadda Massachusetts  Institute of Technology MIT ee dalka Mareykanka, qoraaga labaad waa James A. Robinson oo u dhashay Britain waxa uu bare sare oo cilmiga siyaasadda dhiga ka yahay Jaamacadda Chicago ee dalka Mareykanka. Dhiganaha ayaa ah natiijo ka dhalatay 15 sano oo cilmi baaris ah oo ay sameeyeen labada qoraa waxaana ugu danbeyn buug ahaan loo faafiyay 20-kii bishii Maarso 2012-kii. Buuggan wax uu ka kooban yahay 546 bog waxaa uu ka mid yahay qeybta loo yiqaanno Isbarbardhigga Siyaasadda “Comparative Politics”. Buugan wax aan u doortay in a...
Read more

Mustaqbalku waa iminka, dhalinyaradu kama da’ yara hogaaminta Q. 2aad

-
Image
Dhalinyaro is-abaabulay ayaa bishii Maarso 2016 bilaabay olole loogu magac daray “Not too young to run” oo micnaheedu yahay “kama da’ yarin tartanka” ololahan ayaa ujeedkiisu ahaa in hoos loo dhigo da’da laga doonayo inuu jiro qofka u tartamayo xilalka la isu doorto gudaha dalka Nigeria iyo guud ahaanba dunida. Oloahan ayaa laba sano iyo bar kadib sharci noqday 1-dii bishii Juun ee sanadkii la soo dhaafay e e 2018, waxaana meel mariayay Aqallada Wakiilada iyo Odayada dalka Nigeria iyadoo ugu danbeyntiina uu saxiixay madaxweyaha Nigeria Mohammadu Buhari. Xeerkan oo loogu magac daray “The Not Too Young to Run Bill” ayaa isbadallo cusub ku sameeyay shuruudaha dhanka da’da ah ee lagu xiro qofka u tartamayo xilalka xildhibaanimada iyo madaxweynanimada dalkaasi. Qofka xildhibaanka u tartamaya dalka Nigeria waxaa shardi u aheyd inuu jiro 30 sano balse sharcigan cusub ayaa hoos u dhigay waxaana la gaarsiiyay inuu ugu yaraan 25 sano jir noqdo qofka u tartamayaa xildhibaanimo...
Read more