Mustaqbalku waa iminka, dhalinyaradu kama da’ yara hogaaminta Q. 2aad

-


Dhalinyaro is-abaabulay ayaa bishii Maarso 2016 bilaabay olole loogu magac daray “Not too young to run” oo micnaheedu yahay “kama da’ yarin tartanka” ololahan ayaa ujeedkiisu ahaa in hoos loo dhigo da’da laga doonayo inuu jiro qofka u tartamayo xilalka la isu doorto gudaha dalka Nigeria iyo guud ahaanba dunida.

Oloahan ayaa laba sano iyo bar kadib sharci noqday 1-dii bishii Juun ee sanadkii la soo dhaafay ee 2018, waxaana meel mariayay Aqallada Wakiilada iyo Odayada dalka Nigeria iyadoo ugu danbeyntiina uu saxiixay madaxweyaha Nigeria Mohammadu Buhari.

Xeerkan oo loogu magac daray “The Not Too Young to Run Bill” ayaa isbadallo cusub ku sameeyay shuruudaha dhanka da’da ah ee lagu xiro qofka u tartamayo xilalka xildhibaanimada iyo madaxweynanimada dalkaasi.

Qofka xildhibaanka u tartamaya dalka Nigeria waxaa shardi u aheyd inuu jiro 30 sano balse sharcigan cusub ayaa hoos u dhigay waxaana la gaarsiiyay inuu ugu yaraan 25 sano jir noqdo qofka u tartamayaa xildhibaanimo.

Arrinta la yaabka leh ayaa noqotay in shuruudda da’da madaxweynenimada oo horay u aheyd 40 sano laga dhigay kaliya 35 sano taas oo muujineysa in dhalinyaradaasi isbedel doonka ah ay guul weyn ka soo hooyeen ololahooda.

“Wax aad shaki la’aan tihiin hantida ugu muhiimsan Nigeria, hantida ugu muhiimsani ma aha batroolka, ma aha beeraha, ma aha macdanta adag, balse waa adinka dhalinyaro, iyo inaga oo idil, awoodda idinku jirta, caqligiinna iyo howlkarnimadiina ayaa ah mishiinka Nigeria ku hogaaminaya horumarka, hadda iyo markaan dhimano intaba” ayuu ka yiri Muhammadu Buhari xafladii uu ku saxiixay sharcigan cusub.

Madaxweynaha ayaa sheegay in aan weli wax laga bedelin shuruudda da’da ee ku xiran mayorada ama guddoomiyeyaasha gobolada iyo musharaxiinta u tartamaya aqalka odayada balse waxa uu sheegay in la sii wadi doono isbadalada si dhalinyarada loo awood siiyo.

35 jirka Nigeria u dhashay waxa uu isu soo taagi karaa tartanka madaxweynaha dalka Nigeria, ku qanacsanaanta iyo lixjeclada ay dhalinyarada Nigeria dalkooda ku qabaan ayaa la oran karaa waxaa ay ku hageysaa inuu dalkaasi noqdo dhaqaalaha ugu buuran Afrika.

Waxaa  qoray: Mohamed Dugoow


Comments

Post a Comment

Popular posts from this blog

Qabweyniga Soomaalida, Qaranbaa ku dumay

-
Image
Qabweyniga Soomaalida, Qaranbaa ku dumay. Waxaa la i baray abtirsiimaha qabiilka aan ka soo jeedo, waxaa la ii sheegay inaan ka dhashay qabiilka ugu fiican Soomaalida, waxaan maqli jiray hebel ama adeerkaa wuxuu ahaa geesi aan cadkiisa la cunin iyo wuxuu ahaa geel qaad ama laayaan, waxaa la i dhihi jiray iska celi oo kala hormar, ha ka Soo ooyin facaa iyo Erayo caraadin dagaal, ninka wadaadka ah ama culumada ah amaba nabada jecel wuxuu bulshada ka ahaa nin miskiin ah oon cadkiisa goosan karin. Dadka aan amaantooda maqli jiray waxey ahaayeen dadka hadalka kulul oo aan warkoodu xeerba laheyn ama dadka ay murmaan dharbaaxada ugu shuba, dadka xishooda ama sabra waxey ku sifeysnaayeen wax ma tarayaal ama fulayaal. Qabiil walba oo Soomaali ah sidaa uun bey aaminsanaayeen, marka qof walba waxaa ku jirta ismuuji oo geel soo dhac ama wax soo dil si gabdhuhu ama tolku kuugu sheekeystaan. Dhaqankii noocaa ahaa weli isma bedelin ee sidii isaga oo ah ayaan magaalada lasoo galnay...
Read more

Gorfeynta buugga Maxay Qaramadu u Dumaan?

-
Image
 “Why Nations Fail: The Origins of Power, Prosperity, and Poverty” Maxay Qaramadu u Dumaan? Asalka Xukunka, Barwaaqa sooranka iyo Saboolnimada Dhiganaha “Maxay Qaramadu u dumaan” waxaa qoray laba aqoonyahan oo aad ugu xeeldheer culuumta dhaqaalaha iyo siyaasadda. Daren Acameglu waa qoraaga koowaad ee buugga wax uu hesytaa dhalasho dalka Mareykanka asal ahaanse waxa uu ka soo jeedaa Turkiga, wax uu bare sare ka yahay jaamacadda Massachusetts  Institute of Technology MIT ee dalka Mareykanka, qoraaga labaad waa James A. Robinson oo u dhashay Britain waxa uu bare sare oo cilmiga siyaasadda dhiga ka yahay Jaamacadda Chicago ee dalka Mareykanka. Dhiganaha ayaa ah natiijo ka dhalatay 15 sano oo cilmi baaris ah oo ay sameeyeen labada qoraa waxaana ugu danbeyn buug ahaan loo faafiyay 20-kii bishii Maarso 2012-kii. Buuggan wax uu ka kooban yahay 546 bog waxaa uu ka mid yahay qeybta loo yiqaanno Isbarbardhigga Siyaasadda “Comparative Politics”. Buugan wax aan u doortay in a...
Read more